EPFO வாடிக்கையாளர்களுக்கு குட் நியூஸ்!- இனிமே நீங்களே இதை பண்ணலாம்!
EPFO New Changes For Employees
EPFO New Changes For Employees: EPFO புதிய விதிகள்: ஊழியர் வருங்கால வைப்பு நிதி அமைப்பு (EPFO) அதன் உறுப்பினர்களுக்கு மேலும் பயனளிக்கும் வகையில் விதி மாற்றங்களைக் கொண்டு வந்துள்ளது. புதிய விதிகளின்படி, ஆதார் இணைப்பு இருந்தால், EPFO உறுப்பினர்கள் தங்கள் UAN-ஐ நேரடியாகப் புதுப்பிக்கலாம். இனி எந்த ஆவணங்களையும் பதிவேற்ற வேண்டிய அவசியமில்லை. அதேபோல், முதலாளியின் உதவியின்றி நீங்களே நேரடியாகப் புதுப்பிக்கலாம்.
| Join our Groups | |
| Whatsapp Group | Join |
| Whatsapp Channel | Join |
| Telegram | Join |
ஆதார் இணைப்பு மூலம் என்ன புதுப்பிக்க முடியும்?: பெயர், பிறந்த தேதி, பாலினம், தந்தை அல்லது தாயின் பெயர், திருமண நிலை, மனைவியின் பெயர், வேலைக்குச் சேர்ந்த தேதி மற்றும் வேலையை விட்டு வெளியேறும் தேதி போன்றவற்றைப் புதுப்பிக்கலாம். முன்னதாக இந்த மாற்றங்களுக்கெல்லாம் முதலாளியின் ஒப்புதல் தேவைப்பட்டது. அத்துடன் இவற்றிற்காக, 28 நாட்கள் காத்திருக்க வேண்டியிருந்தது. ஆனால் இப்போது அந்த மாதிரியான தொந்தரவு இல்லாமல் நீங்களே இப்போது செய்து கொள்ளலாம்.
இந்தப் புதிய விதியை யாரெல்லாம் புதுப்பிக்க முடியும்?: 8 லட்சம் விண்ணப்பங்களில், 45% உறுப்பினர்களால் அங்கீகரிக்கப்படலாம். இருப்பினும், UAN எண் 1 அக்டோபர் 2017 க்கு முன்பு உருவாக்கப்பட்டிருந்தால் மட்டுமே முதலாளியின் ஒப்புதல் தேவைப்படும். மற்றொரு முக்கியமான விஷயம் என்னவென்றால், ஆதார் மற்றும் பான் கார்டு இணைக்கப்பட வேண்டும். இல்லையெனில், ஒப்புதல் பெற தாமதமாகும்.
UAN என்றால் என்ன?: UAN என்பது 12 இலக்கங்களை யூனிவர்சல் அக்கவுண்ட் நம்பர் ஆகும். இது உங்கள் PF கணக்கை நிர்வகிக்க உதவும். ELI திட்டத்தின் பலன்களைப் பெற, UAN செயல்படுத்தப்பட வேண்டும் மற்றும் வங்கிக் கணக்கை ஆதாருடன் இணைக்க வேண்டும்.
வேலைவாய்ப்பு இணைக்கப்பட்ட ஊக்கத்தொகை (ELI) திட்டத்தின் பலன்களைப் பெற, உங்கள் ஆதாரை உங்கள் வங்கிக் கணக்குடன் இணைப்பது கட்டாயமாகும். கடைசி நேர தொந்தரவுகளைத் தவிர்க்க இதை சரியான நேரத்தில் செய்யுங்கள். இதைத்தான் EPFO தனது X (ட்விட்டர்) கணக்கில் தெரிவித்துள்ளது.
உங்கள் EPF சுயவிவரத்தை எவ்வாறு புதுப்பிப்பது?: இப்போது உங்கள் EPF சுயவிவரத்தை எவ்வாறு புதுப்பிப்பது என்பதை பார்க்கலாம்: முதலில் EPF வலைத்தளமான www.epfindia.gov.in க்குச் செல்லவும். உங்கள் UAN எண், கடவுச்சொல் மற்றும் கேப்ட்சாவைப் பயன்படுத்தி உறுப்பினர் போர்ட்டலில் உள்நுழையவும்.
பக்கத்தின் மேலே உள்ள ‘நிர்வகி’ என்பதைத் தேர்ந்தெடுக்கவும். ‘அடிப்படை விவரங்களை மாற்று’ என்பதைக் கிளிக் செய்யவும். உங்கள் ஆதார் அட்டையின்படி உங்கள் தனிப்பட்ட விவரங்களை உள்ளிட்டு சமர்ப்பிக்கவும். ‘ட்ராக் கோரிக்கை’ விருப்பத்தைப் பயன்படுத்தி சுயவிவர புதுப்பிப்பு செயல்முறையைக் கண்காணிக்கவும்.
இந்தப் புதிய விதி உறுப்பினர்களின் நேரத்தை மிச்சப்படுத்தும். இது அலுவலகத்திற்கு பயணம் செய்வதிலிருந்தும், ஆவணங்களைத் தேடுவதிலிருந்தும், ஒப்புதலுக்காகக் காத்திருப்பதிலிருந்தும் உங்கள் நேரத்தை மிச்சப்படுத்தும். இந்த சீர்திருத்தம் லட்சக்கணக்கான EPF உறுப்பினர்களுக்கு பயனளிக்கும்.